ORANJESTAD – Aunke cu lider di partido PDR Andin Bikker a yama e reunion ilegal, esaki a sigui y cu un sorpresa: e miembronan a eligi Alonso Tromp como e presidente nobo di directiva di e partido.
Ayera nochi e partido a manda un relato pa prensa unda a informa cu den e asamblea a eligi un directiva nobo, consisti di: sr. Tromp como presidente; Angelo Roos como vice-presidente; Lisette Gomes como secretario; Bernadino Stamper como tesorero y como segundo tesorero Richard Goeloe. E directiva ta eligi pa dos aña.
E conflicto entre e miembronan di partido y lider Bikker a sali afo momento cu sr. Tromp a bay den prensa pa aclaria cierto puntonan. Un punto tabata cu niun di e miembronan tabata informa adelante di e plan di sr. Bikker pa uni forsa cu partido POR. Banda di esaki pa sr. Tromp mes, su posicion como number 2 riba lista a bira insigur.
Awor cu e decision aki, e partido a duna un señal bon cla, cu nan ta laga nan lider afo di e partido.
