Aligoritmo di reconocemento di cara diseña pa tapaboca ta fayando

Hopi compania di reconocemento di cara a declara cu nan por identifica hende cu precision hasta si nan tin tapaboca bisti, pero e resultadonan mas recien di un estudio ta demostra cu e tapaboca ta aumentando tasa di eror dramaticamente.

Den un update diamars, US National Institute of Standards and Technology a revisa 41 aligoritmo di reconocemento di cara entrega despues cu a declara e pandemia di Covid-19 na mita di maart. Mayoria di e aligoritmonan aki a ser diseña cu tapaboca na mente, y a bisa cu ainda nan tabata capaz di identifica hende cu precision, hasta si mita di nan cara tabata cubri.

Na juli, NIST a revela un reporte notando cu tapaboca tabata afectando aligoritmonan di reconocemento di cara regular, cu margen di eror entre 5% y 50%. NIST ta considera ampliamente un autoridad lider riba test di precision di reconocemento di cara, y ta spera cu aligoritmo lo mehora pa identifica hende cu tin tapaboca bisti.

E dia ey ainda mester yega, ya cu tur aligoritmo a experimenta aumento marginal den tasa di eror unabes cu tapaboca a yega. Mientras algun aligoritmo ainda tabatin precision general – manera compania di reconocemento di cara Chines, Dahua, su margen di eror a bay di 0.3% sin tapaboca na 6% cu tapaboca – otronan a mira nan margen di eror aumenta te na 99%.

Mientras tur aligoritmo di reconocemento di cara a sufri un margen mas grandi di eror unabes a agrega tapaboca, algun margen di eror tabata abao te na 3%, indicando cu no ta imposibel pa aligoritmonan identifica hende hasta cu nan cara tapa.

Tapaboca ta un herment proba di limita transmision di novel coronavirus, y gobiernonan rond mundo a haci tapaboca obligatorio pa reduci impacto di e brote. Expertonan di salud ta spera cu mayoria di hende lo mester sigui bisti tapaboca pa añanan, pushando companianan di reconocemento di cara pa mehora nan aligoritmo.

NIST tin un reporte andando riba con tapaboca a afecta aligoritmo di reconocemento di cara, usando 6 miyon imagen di su base di dato, y digitalmente agregando tapaboca na e potret.

Ta posibel cu e margen di eror lo ta mas halto si NIST usa potret real di hende cu tapaboca, na luga di agrega esaki digitalmente, ya cu tapaboca fisico por tin sombra, textura y patronchi diferente cu tambe ta confundi aligoritmonan.