Un grupo di pasahero por enfrenta multanan grandi despues di causa retraso na un vuelo den Barcelona, door di simpatia na un migrante di Senegal (Africa). E homber di Senegal a wordo deteni y deporta na Dakar riba e vuelo. E avion a sigui su caminda despues cu polis a bay stop e protesta. Tabata tin 11 manifestante cu lo por haya un multa di casi 225,000 Euro, cada un pa causa peliger den aviacion.
Sin trabao of documentonan legal, e homber a wordo nenga entrada na Spaña. Testigonan ta bisa, cu e protesta a cuminsa ora cu a tuma nota cu e homber tabata keha di wordo deporta. E retraso tabata nifica cu e vuelo desde Dakar mester a wordo posponi pa diadomingo, forsando aerolinea Vueling pa paga acomodacion di casi 176 pasahero.
