(AP) – Un boa constrictor na Reino Uni a duna luz na 14 baby, sin un pareha.
E ta un milager? E resultado di un aventura secreto? Probablemente no. Muhenan di un especie tin e habilidad di reproduci sin mester di un pareha ni e sperma di un homber. E proceso aki ta yama parthenogenesis, for di e palabranan den Griego pa “virgen” y “parto.”
Algun mata y insectonan por haci esaki tambe, ademas di algun amfibio, reptil, parha y pisca. Un stingray yama Charlotte ta sospecha di a keda na estado via e metodo aki, aunke el a fayece e siman aki.
Algun maribomba y lagadishi ta reproduci solamente via parthenogenesis. Sinembargo den otro especie, e ta poco comun y hopi biaha mira ora nan ta den cautividad.
Esaki ta tuma luga mas comunmente den situacionnan unda e muhenan ta separa di e hombernan, segun Demian Chapman, ken ta dirigi Sharks & Rays Conservation Research Program na Mote Marine Laboratory & Aquarium na Sarasota, Florida.
E boa na Reino Uni, un Rainbow Boa Brasilero yama Ronadlo, a duna luz siman pasa despues di a ta sin contacto cu otro colebranan pa por lo menos 9 aña, segun City of Porthsmouth College, cual a keda cu e colebra.
Un manera cu parthenogenesis por tuma luga ta si un muhe su webo ta combina cu otrocel, hopi biaha uno cu ta resta for di e proceso cu ta permiti e muhe crea e webo. E cel aki, conoci como un curpa polar, ta duna e webo e informacion genetico cu normalmente e ta ricibi for di e sperma. E cel ta cuminsa dividi y esaki ta causa e creacion di un embryo.
Te ainda no ta keda cla con comun parthenogenesis ta den selba, Chapman a comenta. Sinembargo el a sosde fuera di cautividad entre piscanan chikito, cu ta un especie den peliger di extincion.
