Diariamente ta wordo bisa cu e luna yen ta haci cu e personanan ta actua di cierto manera diferente con normalmente nan ta den cualkier otro anochi durante un fase diferente di e luna. E civilisacionnan antiguo diariamente tabata duna un gran importancia na e fasenan di e luna y algun tabata kere cu cierto cosnan solamente tabata pasa durante fasenan lunar specifico, manera e luna yen. Awo, ciencia ta ofreciendo un sosten serio na e teorianan aki.
Den un estudio nobo publica den Science Advance, e investigadonan a haci cu boluntarionan di e comunidad indigena di Argentina usa rastreadonan di soño te cu 2 luna pa realisa un siguimento di nan habitonan di soño. Aproximadamente 100 persona di e region a participa den e estudio. Tambe a compara e datonan aki cu e datonan di e soo recopila di mas cu 450 residentenan di Seattle – y e similitudnan tabata increibel.
E estudio a purba di determina e diferencianan den e patronchinan di soño basa riba e luz di e luna y mirando cu e luna yen y e dianan previo ta e anochinan mas briyante, ta logico cu e indigenanan (algun di ken no tabatin of tin in acceso limita na electricidad ) a keda lanta mas laat den anochi cu e luna briyante y nan tabata drumi casi un ora menos cu otro anochinan.
E descubrimento aki, riba su mes, lo ta bastante interesante, aunke sea solamente door di e hecho cu e ta ofrece nos un bista di con nos antepasadonan preindustrial por a comporta nan mes debi na e diferente fasenan di e luna. Sin embargo, e estudio ta duna un vuelta mas sorprendente ora ta inclui e datonan di Seattle. Ta resulta cu e habitantenan di e ciudadnan, a pesar di tin acceso na e luz artificial den tanto formanan, tambe nan a exhibi diferente patronchinan di soño basa riba e fase lunar.
“E hecho cu e modulacion aki tabata presente incluso den comunidadnan cu acceso total na luz electrico ta sugeri cu e efectonan ey ta media door di algo mas cu e luz di e luna,” ta bisa na CNN Leandro Casiraghi, autor principal di e investigacion.
Pero, con por e luna afecta e personanan si e luz no ta e unico factor? E parti ey ta sigui ainda sin clarificacion, pero e investigadonan tin nan teorianan. Un di e teorianan ey ta cu e sernan humano tin holoshi interno cu ta regula mas cu e ciclo di 24 ora pa dia y di soño/ vigilia.
Hopi animalnan tin respuestanan instintivo na e epocanan di e aña, incluso si e cambionan stacional no ta trece cambionan dramatico den e clima. E ta posibel cu e sernan humano tabatin un adaptacion similar durante hopi tempo y cu keda lanta te laat ora e luna ta briya ta wordo graba den nos DNA. Por supuesto, esaki ta solamente un teoria.
