Alfonso Boekhoudt ta e proximo gobernador di Aruba entrante 1 di januari 2017. na momento aki e ta minister Plenipotenciario, staciona na Arubahuis, Den Haag. Riba e potret por mira gobernador Fredis Refunjol durante un bishita 19 di september na Arubahuis, hunto cu sr. Boekhoudt (na man drechi).
Boekhoudt tin 51 aña y lo wordo nombra pa un periodo di 6 aña.
E gobernador interino tambe lo cambia: Yvonne Lacle-Dirkz lo tuma e funcion aki over entrante 1 di november di Ella Tromp-Yarzagaray.
E nomber di sr. Boekhoudt ya a cay diferente biaha como un di e posibel candidatonan, banda di e nombernan di e minister di Financia actual Angel Bermudez y Andy Lee, e gevolmacht minister na Merca. Aparentemente e ultimo dos candidato tabata riba e lista di preferencia di gobierno di Aruba, sinembargo Bon Dia Aruba no a logra di haya un confirmacion riba esaki. Te awor prome minister Mike Eman no a duna un comentario.
.jpg "Minister Bermudez ta kibra silencio riba nombracion gobernador")
