(TheVerge) – Assistent virtual di Amazon, Alexa a bisa un mucha pa pone un moneda riba e cablenan exponi di un charger di celular mara na coriente, segun un mayor cu a post screenshot di nan historia di actividad cu Alexa mustrando e interaccion.
E aparato aparentemente a saca idea pa e reto for di un articulo describiendo esaki como peligroso, citando reportenan den medionan di comunicacion tocante un supuesto reto popular riba TikTok.
Segun screenshot di Kristin Livdahl, e Echo a responde na e pregunta ‘bisa mi un reto pa haci’, cu ‘aki tin algo cu mi a haya riba internet. Segun ourcommunitynow.com, e reto ta simpel: conecta un charger di celular como mita den plug na muraya, despues touch un moneda riba e cablenan exponi’.
Den un declaracion na BBC, Amazon a confirma e comportamento di Alexa, bisando: “Mesora cu nos a haya sa di e eror aki nos a tuma accion inmediato pa drech’e.” Livdahl a tweet ayera cu puntra pa un reto no ta traha mas. The Verge tambe a purba busca e reto cu Alexa y no a logra un resultado similar, y hasta pidi pa un reto for di internet no a duna un respuesta of a duna masha tiki opcion.
A resulta cu un algoritmo a scoge parti descriptivo di un advertencia y a aplifica esaki sin contexto original. Mientras e mayor tabat’ey pa interveni inmediatamente, ta facil pa imagina un situacion den cual esey no ta e caso of e contesta di Alexa no ta asina obviamente peligroso.
Livdahl a tweet cu el a usa e oportunidad pa ‘pasa door di seguridad di internet y no confia cosnan cu bo ta lesa sin investigacion y verificacion’ cu su yiu.
