(TMZ) – Alex Jones a keda condena pa perpetua un mentira tocante e masacre na Sandy Hook, y algun di e familiarnan di e muchanan cu a wordo asesina a ricibi informacion di hues, cu Jones mester paga casi $1 biyon.
E hurado di Connecticut a haya cu e stress emociona y trauma cu el a causa cu su campaña tabata asina grandi, cu husticia ta rekeri un pago grandi pa daños. E veredicto total – dividi entre e 8 famia y un trahador di emergencia – ta yega $965 miyon.
Abogado di e famianan, Chris Mattei a bisa e hurado den argumentonan di clausura siman pasa cu Jones ta gaña pa genera entrada pa su website, mientras e mayornan den nan luto a ricibi menasa di morto y acoso di fanaticonan.
Jones tabata transmitiendo riba su show di radio na momento cu a lesa e veredicto, bisando su oyentenan: “Esaki mester ta loke fierno ta, nan a djis lesa e dañonan, maske bo no tin e placa.” Jones tambe a bisa cu e caso tabata un joke y a pidi su oyentenan pa donacion.
E bataya legal a cuminsa na 2018, tempo cu e famianan a bay contra Jones y su compania, Free Speech Systems.
Anteriormente a duna orden pa Jones paga otro $49.3 miyon den otro huicio similar cu a tuma lugar na Texas na augustus, cu e placa tambe bayendo pa algun mayor afecta pa e tiramento.
