(NLTimes) – KNMI a cambia advertencianan pa tormenta na codigo oraño pa diadomingo anochi den e provincianan na costa pa motibo di biento fuerte. Area di Noord-Holland, Zuid-Holland, Zeeland y IJsselmeer tur ta inclui den e alerta.
Den provincianan na costa occidental y region IJsselmeer, bientonan fuerte lo a alcansa hasta entre 100 pa 120 kilometer pa ora entre 8pm y 11pm, segun KNMI. Den provincianan mas central, biento lo a alcansa alrededor di 100 kilometer pa ora durante awaseronan pasahero.
E bientonan fuerte a afecta transporte. Aeropuerto di Schiphol a cancela 59 salida y 61 yegada. Den un actualisacion di red di trafico aereo pa 12:41pm ayera, Eurocontrol a adverti cu na Schiphol ‘yegadanan ta regula pa motibo di clima (biento fuerte)’. Segun e actualisacion, ta spera retrasonan modera.
Aeropuerto na Eindhoven no a mustra problemanan mayor, pero a pone un declaracion riba su website advertiendo cu por sucede retraso, desviacion y cancelacion pa motibo di biento fuerte. NS tambe a ahusta su cronograma despues di 8pm den region nort occidental di e pais, entre Den Helder y Zaandam.
Net prome cu a actualisa e advertencia, Rijkswaterstaat a tweet: “Awenochi, codigo geel ta aplica na henter e pais pa motibo di biento fuerte y awasero pisa. Riba caminda? Keda alerta, tambe pasobra matanan por ta menos fuerte despues di #TormentaEunice. Tambe nos ta pidi trafico di carga pa ta extra cauteloso.”
Sitionan di test y vacunacion pa Covid-19 tambe a cera mas trempan cu normal ayera pa motibo di e biento fuerte. GGD Haaglanden a anuncia cu a cera tur sitio di test di 3pm te proximo aviso. GGD a tuma contacto cu hende cu tabatin un cita ayera tardi pa traha un cita nobo.
Na Almere, e centro di test y vacunacion a cera pa 4:30pm, y a move e citanan na otro sitio of otro dia. Ta spera cu tur centro na Flevoland ta bay ta habri back awe.
