E prome ola tropical decente di e temporada ta drentando oost di Caribe, y lo trece periodo di yobida y lamper den e area, afectando principalmente Trinidad & Tobago, pero resultando den biento y lama bruto na Aruba.
Desaroyo di e sistema den un ciclon tropical no ta spera, ya cu biento fuerte ta domina den e area. E sistema lo move west y afecta e islanan ABC cuminsando awe, conduciendo na mas nubia y un posibilidad mas grandi di awasero local, cu lamper y strena.
Pa motibo di e biento fuerte presente den e area y otro factor menos faborabel, por afecta e sistema y debilita den e area, pues e pregunta ta keda cuanto precipitacion lo mira, cual sigur lo ta menos cu Trinidad y Tobago. Sinembargo, entre awe y mañan, e posibilidad di awasero local ta keda cu posibilidad di strena.
Bonaire tin e miho chens di haya yobida entre e tres isla, y Aruba tin menos chens. Mientras e ola tropical ta acerca, e stof fini di Sahara lo bandona e area te diabierna, y mientras un presion mas halto y fuerte ta desaroya nort di nos, tambe lo ta presente biento mas fuerte den proximo dianan.
