(AP) — Un oficial top di seguridad na Alemania a bisa diaranson cu su agencia a crea un task force pa investiga individuonan sospecha di usa e app di mensahe Telegram pa comete crimen, entre preocupacion aumentando cu e app ta convertiendo den un ‘medio pa radicalisacion’.
Oficina di Polis Federal Criminal di Alemania a adverti cu ta usando e app pa enfoca riba politico, cientifico y dokternan pa nan rol den combati pandemia di coronavirus. “E pandemia di coronavirus en particular a contribui na hende birando radicalisa riba Telegram, menasando otronan, y hasta publicando yamadonan pa asesinato”, hefe di e agencia, Holger Muench, a bisa den un declaracion.
El a bisa cu e task force lo busca cooperacion di Telegram, pero tambe ta bay tuma medida si no hay’e.
Gobierno Aleman a purba pa añas, cu tiki exito, pa pone Telegram cumpli cu reglanan di e pais pa combati contenido ilegal. E compania tras di e app, cu ta bisa di tin centenares di miyones di usuario mundialmente, ta basa na Emiratonan Arabe Uni.
Luna pasa, polis Aleman a realisa inval na Saksen despues di reportahenan den medionan di comunicacion cu un grupo di hende riba Telegram a discuti plannan pa asesina gobernador di e estado, Michael Kretschmer, y otro miembronan di gobierno estatal. Miembronan di e grupo a comparti un rechaso di vacunacion, e estado, y politicanan di coronavirus di gobierno.
Potret: European Eye on Radicalisation.
