(AP) – Alemania riba diamars a rechasa fuertemente e caso cu Nicaragua a trece dilanti na Nacionnan Uni su corte top acusando Berlin di facilita e violacion di Geneva Convention y leynan humanitario internacional pa medio di provee arma y otro sosten na Israel den su agresion mortal na Gaza.
“Asina nos mira di cerca, Nicaragua su accusacionnan ta cay,” Christian Tams, un miembro di Alemania su ekipo legal a conta e panel di 16 hues na e Corte Internacional di Husticia. Riba dialuna, Nicaragua ta urgi e huesnan orden un paro na ayudo militar di parti di Alemania na Israel, argumentando cu Berlin su sosten ta permiti actonan di genocidio y ta kibra leynan humanitario na Gaza.
E hefe di Alemania su ekipo legal, Tania von Uslar-Gleichen a bisa cu Nicaragua su acusacionnan “no tin base den hecho ni tampoco ley. Nan ta depende riba un evaluacion di conducta di Israel, cual no ta un partido den e procesonan aki.”
Audiencianan preliminar organisa dialuna y diamars ta enfoca solamente riba Nicaragua su peticion pa medidanan provisional, incluyendo un ordo di corte pa Berlin stop e ayudo militar na Israel y bolbe activa fondo pa un agencia di sosten na Gaza. Cerando Alemania su argumentonan, Von Uslar-Gleichen a urgi e huesnan no impone e medidaan preliminar y retira e caso di Nicaragua.
Tams a bisa cu Alemania a licencia solamente 4 exportacion di arma di guera na Israel desde october, “3 di cual ta trata ekipo di test of practica.” El a bisa cu 98 porciento di e exportacion di ehercito na Israel desde e atake di dia 7 di october no tabata arma di guera sino otro ekiponan.
Mustrando huesnan un potret di ayudo Aleman hiba Gaza, Tams a agrega cu Berlin ta sigui provee sosten humanitario pa sostene e Palestinonan “tur dia bao condicionnan extremadamente dificil, constructivamente actuando cu nos partnernan internacional.”
Nicaragua u caso ta e intento mas recien di
