Corte Federal Administrativo na Leipzig a dicta diamars cu ciudadnan na Alemania tin derecho pa prohibi autonan Diesel. E decision aki por cuminsa tin influencia riba otro partinan di Europa. Corte a laga sa cu Stuttgart & Dusseldorf, cual ta ciudadnan cu tin hopi polucion den aire na Europa, tin e autoridad pa implementa prohibicionnan limita cu lo preveni algun auto pa core den e centro di e ciudad. Pero cualkier medida lo mester ta bon regula. Stuttgart ta e ciudad unda a nace e auto Mercedes-Benz di Daimler (DMLRY) y Porsche di e Volkswagen Group (VLKAY). E area di Dusseldorf tambe ta un caminda unda ta fabrica vehiculonan di motor.
Dorothee SAAR, hefe di transporte y calidad di aire na e lobby group di medio ambiente DUH, ta bisa cu prohibicionnan manera esaki por wordo introduci dentro di par di luna. DUH ta pushando pa prohibi vehiculonan di Diesel pa basta tempo caba den cuadro cu polucion di aire.
Fuente: BBC
