Alemania a paga miyones di Euro pa e asina yama Panama Papers cu ta revela fraude di impuesto. ‘The Federal Crime Office’ (BKA) a bisa di pone un inventarisacion multi miyonario den forma electronico pa asina permiti un evaluacion detaya di e documentonan aki.
E no a confirma e suma, pero fuentenan di gobierno a bisa prensa Aleman cu 5 miyon Euro a wordo paga. E documentonan aki a leak aña pasa unda a expone hende rico y poderoso, cu a uza ‘taz havens’ pa sconde nan fortuna. Sin lubida tambe locual a bin dilanti relaciona cu nos compania local di telecomunicacion Setar, cual ta un caso cu a hala atencion y trece un ola di reaccion for di comunidad.
Akinan ta papiando di caso contra ex empleado di Setar cu ta programa pa wordo atendi den corte na juli 2018.
Basta luna di investigacion
Tin mas o menos 11.5 miyon di documento di e compania huridico na Panama Mossack Fonseca, cu a yega den man di e corant Aleman Suddeutsche Zeitung y despues otro medionan di comunicacion, den cooperacion cu International Consortium of Investigative Journalists. Autoridadnan a laga sa cu lo tuma basta luna di investigacion pa por revisa tur e data aki.
