(AP) – Un investigacion a determina cu “actornan di estado Chines” ta responsabel pa un atake cibernetico di 2021 riba Alemania su oficina nacional pa cartografia, oficial na Berlin a bisa diaranson. E embahador Chines a ser convoca pa e Ministerio di Exterior pa un protesta pa prome biaha den decada.
Ministerio di Exterior su vocero Sebastian Fischer a bisa cu e gobierno Aleman tin “informacion confiabel di servicionan di inteligencia” tocante e fuente di e atake riba Federal Agency for Cartography and Geodesy, cual el a bisa a ser ehecuta cu “e proposito di spionahe.”
“E atake cibernetico aki riba agencia gederal ta mustra con grandi e peliger di atakenan Chines cibernetico y spionahe,” Minister di Interior Nancy Faeser a bisa den un declaracion. “Nos ta haci yamado na China pa stop y preveni e tipo di atakenan cibernetico aki. E atakenan aki ta menasa e soberania digital di Alemania y Europa.”
Fischer a nenga di elabora riba ken exactamente na China ta responsabel. El a bisa cu China su embahador a ser convoca ultimo na Ministerio di Exterior Aleman den 1989 despues di e incidente na Tiananmen Square.
