Gabinete Aleman a aproba un ley cu lo rekeri plataformanan di rednan social manera Facebook y YouTube pa reporta cierto lenguahe di odio na polis.
Segun e ley aproba pa ministernan ayera, companianan di internet mester reporta propaganda ultraderechista, representacion grafico di violencia, asesinato of menasa di violacion, post indicando cu un persona ta preparando un atake terorista of distribuyendo imagen di abuso sexual di mucha.
Rednan social ya ta rekeri pa elimina e tipo di post aki.
E medidanan, cu ainda mester aprobacion di parlamento, tambe lo mira e definicion di lenguahe di odio criminal expande pa inclui menasa di violacion of daño na propiedad y expresion di aprobacion pa crimennan serio.
Crimen motiva pa anti-semitismo tambe lo resulta den sentencia aumenta.
Den un medida adicional, autoridadnan lo haci mas facil pa politiconan, boluntario y periodistanan preveni otronan di obtene na adres di cas for di registronan publico.
Huristanan ta calcula e cantidad di caso di lenguahe di odio online na Alemania cada aña ta den cientos di miles.
