(AP) – Gabinete di Alemania riba diaranson a aproba e plan di reduci un sentencia minimo di un aña pa plama imagennan di abuso sexual di mucha, cambiando un regla cu a ser introduci menos di 3 aña atras pero cu segun oficialnan a comproba di tin tiki flexibilidad den practica.
Ley Aleman actualmente ta stipula cu un persona cu “plama contenido pornografico of ta haci esaki disponibel na e publico general” ta castiga cu un sentencia di prizon entre 1 pa 10 aña. Prome cu e reforma di Alemania su gobierno anterior cu a drenta den efecto den juli di aña 2021, e rango di e sentencia tabata di 3 luna pa 5 aña.
Minister di Husticia Marco Buschmann a bisa cu e limite maximo lo permanece na luga, sinembargo e sentencia minimo a resulta den “varios problema den practica. En particular, personanan cu ricibi e material imboluntariamente, por ehempel den e contexto di un grupo di mayor di WhatsApp, ta core e riesgo di un sentencia minimo di 1 aña,” Buschmann a bisa den su declaracion. E mesun aki, el a agrega, “ta aplica den e caso di docentenan cu a descubri material pornografico riba studiantenan su celular y a manda esaki pa alerta e mayornan afecta.”
E legislacion nobo, cual te ainda mester di aprobacion parlamentario, lo corta e sentencia minimo y pone esaki back na 6 luna. Buschmann a bisa cu esaki lo restaura e habilidad di e corte y fiscalnan “di por reacciona flexiblemente y proporcionadamente na cada caso individualmente,” y cu e investigadornan, corte ademas di ministernan di Husticia na nivel estatal a pusha pa e cambio aki.
Bao ley Aleman, ofensanan cargando un sentencia di un aña of mas ta ser conta como un delito grave, mientras cu ofensanan bao e limite aki ta conta como un delito menor.
E legislacion nobo lo restaura autoridadnan su habilidad pa cera e casonan na fin banda mas abao di e castigo. Esaki ta declara cu e posibilidad di clasifica e ofensanan como delito menor tambe ta necesario pa lidia cu un “gran proporcion di e ofensornan hoben cu e flexibilidad necesario,” mirando cu e ofensornan aki hopi biaha ta actua pa falta di “experiencia, curiosidad, sed pa aventura of gana di impresiona” na luga di motiva pa deseonan di un naturalesa sexual.
