Un enfermero na Alemania cu a haya castigo di bida aña pasa pa a mata dos pashent di hospital cu overdose fatal di medicina, a asesina por lo menos 90 persona den total, y posiblemente e dobbel di esaki segun autoridadnan ta laga sa dialuna. Categorisando esaki como e asesinatonan di mas grandi despues di e guera na Alemania. Niels Hoegel, 40, a wordo deteni na februari 2015 pa dos asesinato riba pashent cu ta bao di cuido intensivo na hospital Delmenhorst, cerca di e ciudad di Bremen.
Autoridadnan a laga sa dialuna cu expertonan forensico a analisa mas cu 130 curpa adicional, anto a haya prueba di mas victima na dos hospital unda cu Hoegel a yega di traha entre 1999 cu 2005.
