(AP) – Un di 5 parti di e videonan cu un hoben di 13 aña ta mira riba TikTok ta contene alcohol, Pointer a reporta basa riba nan mesun investigacion.
E programa a crea un cuenta di TikTok como un hoben di 13 aña, a haci buskedanan manera ‘desafio di bebemento’ y ‘mescla di bedida’ y a mira 200 video unda cu ta mustra alcohol dentro di un ora.
Ley Hulandes ta prohibi e promocion di of mustra alcohol riba television prome cu 9or di anochi pa proteha muchanan. El ley aki no ta aplica na rednan social, sinembargo aunke e aplica, e no ta cla si e videonan riba TikTok ta promove alcohol of si e creadornan di contenido simplemente ta haci uso di alcohol den nan video, Pointer a skirbi.
E industria di Alcohol a expresa na Pointer cu nan no ta haci propaganda riba Tiktok. E plataforma di rednan social a bisa cu e promocion di alcohol ta prohibi riba nan plataforma. Un creador di contenido a bisa Pointer “si solamente lo mi por ricibi placa pa esaki.” Aunke e ta altanto cu menorna di edad ta mira su contenido, e ta traha cu alcohol den su videonan/
Investigador na Radboud University Hanneke Hendriks a bisa Pointer cu si algo ta of no ta un promocion no ta importa ora ta trata di e influencia cu esaki lo tin riba e uso di alcohol den hobennan. “Te hasta un publicacion inocente, den cual alcohol ta solamente riba mesa, por crea un aumento den e chens cu un hoben lo bebe alcohol. E tipo di videonan aki ta hopi mas extremo.”
