Erasmus University Medical Center di Rotterdam
Hende cu ta bebe menos alcohol of no ta bebe mes, ta biba mas largo. Hasta un of dos glas di alcohol pa siman ta contribui na e deterioro di salud di hende.
Esaki ta loke un grupo di cientificonan rond mundo a descubri incluyendo e investigadonan di Erasmus University Medical Center.
No tin un limite minimo
E nutricionista sra. Trudy Voortmanna Erasmus Medical Center su departamento di Epidemiologia ta afirma: Contrario cu locual hende hopi biaha ta pensa, aparentemente no tin un limite minimo pa consumo di alcohol cu ta safe. Ni hasta pa enfermedadnan cardiovascular. Den e studio a constata cu alcohol ta aumenta e riesgo di haya stroke, atake di curason, e ta subi presion den sanger y tambe kibra e arteria aorta.
Un estudio mundial
E investigadonan a studia salud di mas di 600,000 hende di 19 pais rond mundo relaciona cu nan habito di bebemento di alcohol. Mita di e cantidad di hendenan aki a bebe mas cu cinco pa seis glas di alcohol pa siman.
E efecto: bida mas Cortico
Despues di analisa e efectonan e investigadonan a conclui cu e hendenan aki ta biba seis luna menos cu esunnan cu no ta bebe alcohol mes. E personanan cu ta den nan 40 aña cu ta bebe mas cu 20 glas di alcohol pa siman ta biba un averahe di 5 aña menos, cu nan compañeronan cu ta bebe cu mas moderacion.
Recientemente tambe cientificonan na Inglatera a conclui cu Alcohol ta un causa directo di shete forma di cancer. E analisis ta implica alcohol den e desaroyo di cancer di pecho, higra y varios otro tipo di cancer y ta informa cu hasta consumo modera ta crea riesgo.
Profesor Ketan Patel : “Tin evidencia hopi fuerte cu alcohol ta causa daño ireversibel tambe na un hende su DNA, incluyendo na e celulanan hopi importante cu ta traha e tehido nan, Stem cells. Cientificonan ta spera cu e publicacion di e investigacionnan aki ta conduci na hende considera habito nan mas saludabel pa biba mas largo y saludabel.
