(NLTimes)—E ciudad di Amsterdam kier aborda prostitucion ilegal e aña aki pa medio di haci supervision mas estricto y pa reenforsa leynan existente, implementando mas control efectivo y limitenan cu ta haci e practica mas dificil pa continua. Explotacion y trato di humano ta mucho mas comun den prostitucion ilegal na Amsterdam compara cu trabou di sexo legal, segun Alcalde Femke Halsema den un carta pa e Conseho di ciudad diaranson.

Halsema tambe tabata skirbiendo di parti e hefe di polis y e Ministerio Publico di e districto. Hunto nan kier reduci prostitucion ilegal “por medio di traha e modelo economico menos bentahoso, organisa miho supervision di e sector ilegal aki y asina promove e identificacion di explotacion sexual.” Pa controla prostitucion licencia ta basta facil, pero pa haya prostitucion ilegal ta “complica y ta tuma hopi trabou,” el a bisa.

Den e circuito di trabou di sexo licencia, tin solamente señal incidental di explotacion, segun Halsema. “Nos impresion ta cu e sector licencia ta cumpli en general cu e regulacion di permiso. Control intensivo ta wordo conduci pa e municipal, cu contacto extensivo cu trahadonan di sexo, y algun abuso so ta wordo descubri.”

Pero un parti significante di prostitucion na Amsterdam ta tuma luga ilegalmente, el a declara den su carta. Esaki ta encera trabou di sexo cu ta wordo practica sin permiso, por ehempel pa medio di agencianan di acompañamento ilegal of prostitucion organisa den hogar, hotel y salon di masashi. E polis y municipal tin “tiki of ningun conocemento den esaki,” cual ta haci e circuito ilegal aki atractivo pa esnan cu ta busca pa explota nan victima, segun e alcalde.

Aña pasa, e municipal a ricibi 135 reportahe di prostitucion ilegal, pero 60 inspeccion a wordo conduci. Esaki a causa multa, y den algun caso, e ceramento di un tereno, cual ta inclui cas, hotel y salon.

Ademas, tipnan of trabou di polis a identifica 134 posibel caso di trata di humano. E investigacion a causa 22 detenido.

Na banda di un acercamento mas streng pa prostitucion ilegal, e ciudad tambe kier a crea mas luganan licencia pa trabou di sexo pa medio di traha centronan erotico. Na mesun momento, Halsema y e otro consehalnan kier cera un cantidad di bentana unda trabou di sexo ta opera den e Red Light District den e centro di ciudad.

A propuesta tres localidad cu por bira e centro erotico, cual ta inclui dos den Amsterdam-Zuid y un den Amsterdam-Noord. Hopi residentenan den cercania di e tres localidadnan preferi a bisa cu nan kier e centro den nan bisindario pa varios motibo, incluyendo preocupacion tocante un aumento den strobacion publico y crimen.

Trahadonan di sexo tampoco ta contento cu e edificio. Nan ta kere cu esaki no lo ta safe como e bentananan di e Red Light District, cual ta visibel for di caya.