(NLTimes) – Femke Halsema, e alcalde di Amsterdam ta spera cu esaki ta e ultimo biaha cu Gobierno ta pone decreto pa causa di medidanan di coronavirus. Halsema a menciona esaki den un entrevista cu Buitenhof despues cu a impone e rekisito pa personanan yegando Schiphol for di China.
Amsterdam su alcalde a splica cu e no por y lo no “husga e urgencia y necesidad tras di e decreto di emergencia.” Aplica e ordenansa di emergencia ta nifica cu “como alcalde bo ta enfrenta cu bo mesun hendenan den temponan dificil,” Halsema a splica.
Halsema tambe a splica cu e ta spera cu e lucha contra coronavirus “no lo ta basa riba decretonan di emergencia ni tampoco represion mas, sino cu un perspectiva di termino largo.”
E decreto di emergencia en cuestion, cual lo drenta den efecto awe, a ser aproba siman pasa diabierna. E personanan cu drenta Hulanda for di China mester presenta un test di coronavirus negativo. Mirando cu no tin un ley cu lo hustifica haci esaki un obligacion, e Gabinete mester a regula esaki pa medio di un decreto di emergencia.
