(NLTimes)—Alcalde Femke Halsema di Amsterdam no lo duna su discurso riba Dam Square dia 15 di augustus pa e evento di Nationale Indische Herinnering manera tabata plania prome.
Den un declaracion publica ayera, el a expresa su desacuerdo cu e decision pa invita e yiu muhe di agente militar Hulandes, Raymond Westerling, como guest speaker, cual a resulta den su retiro for di e evento.
E Nationale Indische Herinnering ta conmemora e fin di e ocupacion Hapones di Oost-Indië Hulandes y e fin oficial di segunda guera mundial den Reino Hulandes. Forsanan Hapones a baha arma dia 15 di augustus 1945, despues cu Merca a laga e bom atomico cay riba Hiroshima y Nagasaki, cual a trece un fin di e guera pa ex-colonianan Hulandes den Oost-Indië.
E fundacion Indisch Platform 2.0 ta organisando e conmemoracion riba Dam Square na Amsterdam y a invita e yiu muhe di Raymond Westerling como un di e guest speakernan. Raymond Westerling ta un figura controversial den e historia di e lucha di Indonesia pa independencia, pa motibo di su metodonan brutal y tratamento cruel contra e poblacion di Sulawesi entre 1945 y 1949. Autoridadnan Indones a declara su accionnan como crimennan di guera.
Aunke Westerling nunca a paga pa su crimennan, Hulanda a ofrece un disculpa oficial na 2013 y sobrevivientenan di e victimanan di Sulawesi a ricibi compensacion. Na 2021, e yiu muhe di Westerling, Palmyra Westerling, a publica un carta urgiendo pa boycot e pelicula “Oost”. Den e pelicula Hulandes di guera aki, ta conta e storia di e Guera di Independencia Indones y a presenta e accionnan cruel di su tata.
Un vocero pa Halsema a bisa cu tabata “inadecua pa invita Palmyra Westerling pa duna discurso durante e Nationale Indische Herinnering,” segun NOS a reporta ayera. Riba Instragram, Halsema a splica su decision pa retira. El a declara cu “den e programa di conmemoracion riba Dam Square, tabatin e opcion pa inclui speakernan cu ta aboga pa ‘honor y reconocimento’ pa Raymond Westerling, un ex-combatante Hulandes cu a lidera ehecucionnan masal di Indonesnan. Esaki ta hopi inadecua y un opcion doloroso diseña pa conmemora tur victima, no solamente esnan di banda Hulandes.”
Como respuesta, e presidente di fundacion Indisch Platform 2.0, Peggy Stein, a bisa cu e evento ta diseña pa conmemora tur victima, “incluyendo e ehercito cu awo ta ser considera e malvadonan pa via dia perspectivanan cambia riba e guera di decolonisacion,” NOS a reporta. “Cu su retiro, Halsema ta politisando e conmemoracion,” el a declara.
