(NLTimes) – Alcalde di Amsterdam Femke Halsema ta pensa cu lo ta “exraordinariamente elegante” si Martin Bosma ripiti Parlamento su punto di bista tocante disculpa Hulandes pa e pais su historia den sclavitud. Halsema a papia tocante Bosma, e hefe di Tweede Kamer, den un reunion di comite di Conseho di ciudad diahuebs.
“Kamer a conseha Prome Minister den un carta pidi despensa di parti di gobierno pa su rol den sclavitud. Mirando cu esaki ta e punto di bista di Tweede Kamer, mi ta haya lo ta extraordinariamente elegante si e president ripiti e bista aki di kamer un biaha mas.”
Bosma ta lidera parti di Parlamento y ta den plan di atende e conmemoracion anual pa abolicion di sclavitud na Amsterdam dia 1 di juli. Sinembargo den su rol como parlamentario pa PVV. Bosma a opone habri un fondo cu tabatin e meta di aumenta conscientisacion pa e historia di sclavitud y a yama esaki “drama di sclavitud.”
Varios organisacion a puntra Tweede Kamer, e Ciudad di Amsterdam y National Institute for the Study of Dutch Slavery y su Legado (NiNsee) pa manda otro persona cu no ta Bosma na e conmemoracion di sclavitud. E organisacionnan aki ta pensa cu Bosma su presencia ta kita honor na e ceremonia, considerando su comentarionan den pasado.
Segun e carta su escritornan, Bosma tin un “reputacion di racismo.” NiNsee a pidi Bosma refleha riba su comentarionan den pasado y haci un gesto.
Halsema ta pensa cu Bosma lo ta bon bini na e conmemoracion di historia di sclavitud a motibo cu e ta kere cu mester haci e distincion entre institucion y persona. “Esaki ta e motibo dicon presidente mester ta presente como un simbolo pa e kamer.”
Na mesun tempo, e alcalde a bisa cu ta inhustifica y doloroso haya “loke a ser haci na e comunidad afecta via declaracionnan.” El a sigui enfatisa con importante e conmemoracion di dia 1 di juli ta y pa esaki tuma luga cu respet y dignidad.
Durante un reunion anteriormente, Halsema a bisa cu ta esencial pa e curpa mas halto di e pais, Parlamento, ser representa na e conmemoracionnan nacional. “Mi ta kere bo no mester haci esaki politico,” el a bisa na mesun tempo. “E biaha aki, e lo ta e president, y e proximo biaha, e lo ta e proximo.”
