Alcalde di Amsterdam Femke Halsema, a ricibi criticanan fuerte pa no interveni pa stop mas menos 5 mil persona cu a acera e centro di ciudad pa un manifestacion contra violencia policial.
E alcalde a bisa un programa di television di actualidad dialuna cu un number cu a apercer di tuma nan pa sorpresa. “ E organisadonan a bisa cu nan tabata entre 250 y 300 persona y generalmente e cifranan manera esaki ta un exageracion”, Halsema a bisa Op1.
“ Pero durante e manifestacion, e number a aumenta y polis no tabata prepara”, Halsema a bisa cu interveni no tabata un opcion pa motibo cu no lo ta responsabel. “ Nos lo mester a tuma un liña duro pa saca tur hende di e plaza y mi no a pensa cu nos lo ta responsabel”, el a bisa . E personanan a manifesta pacificamente y tabatin facialmask bisti.
Si mi tabata sa cu esaki lo a sucede, e ora ey nos lo a hiba nan leu”. E organisadonan a pidi tur hende pa usa facialmask y mantene un distancia di 1,5 meter, pero esaki no ta semper tabata posibel debi na e tamaño di e multitud.
