(NLTimes)—Cadena di supermercado, Albert Heijn, a yega na un acuerdo pa aumento e salario di nan empleadonan di distribucion cu 10% den un trato cu sindicatonan FNV y CNV. E trahadonan a demostra pa 11 dia, cual a suspendi mirando cu tur dos banda a bay den acuerdo pa negosha atrobe. Trahadonan di sindicato mester vota ainda riba e trato di un aña, cual ta cuminsa retroactivamente for di 15 di april, segun Albert Heijn a bisa.
Siman pasa e supermercado a señala su dispuesto pa paga e aumento di 10% y pone fin riba su demandanan, cual por a causa efectonan negativo den condicion di trabou y e balans entre bida personal y trabou pa empleadonan, lider di CNV, Roel van Riezen, a conta ANP siman pasa. Esaki tabata inclui continuando e aumento completo den salario cu empleadonan ta ricibi ora nan ta plania pa traha anochi of durante weekend, incluyendo placa extra diadomingo, y uzo completo di un plan di pensioen trempan.
Tambe ta bay aumento e salario di empleadonan temporal. Nan tambe ta bay experencia e bentaha di tin nan schedule determina al menos siman prome. Tambe ta bay ofrece trabounan mas permanente y miho contract pa empleadonan part-time.
E welga a costa Albert Heijn entre 35 y 45 miyon euro den ganashi, y tin chens cu esaki lo causa un reduccion den e share di nan mercado, segun un analista a conta NOS. Casi mita di e 3.000 empleado di distribucion di e compania a tuma parti di e welga, cual a afecta cinco centro di distribucion di Albert Heijn. E welga a resulta den un deficit di producto fresco na hopi supermercado di Albert Heijn, y mientras cu e protesta a continua, mas producto cu un duracion mas largo a cuminsa disparce.
“Bon termonan di empleo pa tur hende ta importante pa nos. E resultado di e negociacion ta nifica un mehoracion di nos acuerdo colectivo di labor,” segun vice-presidente di logistica pa e compania, Marjon de Koning. “Nos ta satisfecho cu, hunto cu nos coleganan, nos por enfoca completamente atrobe riba nos clientenan,” el a declara.
Albert Heijn a manda e sindicatonan un invitacion diahuebs siman pasa pa asina cuminsa negociacion dialuna, y supuestamente e prome dia a bay bon. Tabatin expectativa pa yega un acuerdo caba pa diamars, ora vocero di CNV a bisa cu por anuncia un acuerdo na cualkier momento. Tur dos banda ainda tabata den negociacion riba puntonan menor cu tabata rekeri pa nan “completa tur rekisitonan chikito,” segun e vocero a bisa.
E aumento den salario y beneficionan por causa cu clientenan por enfrenta prijsnan mas halto ora nan haci compras. Experto di supermercado, Paul Moers, a specual cu Albert Heijn ta bay haya nan mes obliga pa inclui e salario mas halto den nan prijs: “E compras ta caro caba. Esaki ta bay causa cu nan ta bay bira mas caro ainda,” el a conta ANP siman pasa.
“Henter e mundo di supermercado ta mirando, pasobra si Albert Heijn cuminsa paga mas, bo sa un cos sigur: e ora e temblor lo cuminsa na otro supermercadonan tambe,” Moers a bisa.
