(NLTimes) – Un Albert Heijn na Best a ser evacua riba diasabra mainta pa causa di un lik den cual gas di e frishider a plama den e tienda.
En total, mas o menos 3 kilogram di gas a plama, segun un vocero di brandweer na Brabant-Zuidoost despues cu Omroep a reporta. E gas, tambe yama R134A, ta tuma tur e oxigeno den e espacio, cual ta nifica cu e por sofoca persona den concentracion halto.
Un gran cantidad di persona probablemente a respira e gas. Pa motibo cu e gas den e Albert Heijn tabatin un “concentracion bastante abao,” segun e vocero, e no “por causa ningun daño.” Pero pa ta sigur, un ambulance a ser yama en caso cu persona a bini dilanti cu iritacion den e via respiratorio. Ningun persona mester a ser hiba hospital pa mas atencion medico.
E lik a keda drecha. E no ta cla ki tempo ni con e lik a cuminsa y e mecaniconan di e departamento te ainda ta na Albert Heijn na Boterhoek pa un inspeccion. Despues di ventilacion, e supermercado por determina si e por habri back. E servicio ta recomenda cu expertonan ser consulta prome den casonan aki. Esaki por determina si e gas tabatin un efecto den e productonan comestibel den e supermercado.
E gas aki ta un gas cu por contribui na e calentamento global. “E cantidad di 3 kilo ta asina abao cu nos por ventila e supermercado sin ningun problema,” e servicio a bisa. “Nan a premira cu e impacto ambiental ta minimo.”
