Hungado di Chapecoense y e periodista deportivo cu tabata den hospital na Medellin, a yega antayera nochi na ciudad di Chapecó, Brasil.
Diamars banda di 9:30 di anochi, e hungado lateral di Chapecoense Alan Ruschel y e periodista deportivo Rafael Henzel a ser interna den hospital di Unimed unda nan ta permanece den unidad di cuido intensivo aisla. Tur dos ta sobreviviente di e accidente aereo unda a muri 71 hende dia 28 di november pasa. Nan a ser ricibi cu un homenahe na aeropuerto Serafim Bertaso di Chapecó.
Luiz Edgar Leao Tolini, integrante di la Forsa Nacional di Ministerio di Salud di Brasil a bisa cu estado di salud di Ruschel y Henzel ta bao control y nan a yega stabil na Chapecó. “Nan a pasa bon durante e vuelo. Nan no a manifesta miedo durante e biahe y nan tabata papia cu otro” e medico a agrega.
