Movecionnan politico ta sigui riba nos isla y awe mainta por a nota cu Alan Howell a kies pa un otro rumbo pa eleccion 2017.
E candidato number 27 riba lista di AVP durante ultimo eleccion a dicidi di anuncia su retiro for di partido berde. Igualmente el a laga sa cu e no ta sigui mas den su funcion di consehero di gobierno. El a haci enfasis cu e no a drenta politica pa sinta na banki sino pa trece cambio specialmente pariba di brug, y su pueblo di San Nicolas. E no a bisa ainda si e lo join cu otro partido politico. Sinembargo el a laga sa cu tin un acercamento cu un partido.
Reaccion POR
Rumornan fuerte ta indica cu e lo ta bayendo cu partido POR pa cual a aserca un di e lidernan di e partido, Otmar Oduber cu e pregunta si Howell lo ta riba nan lista. E reaccion di Oduber tabata corto pero a bisa “Nos ta papiando. Tin hopi potencial, pero no a worde reconoci. Lo por ta sigur un bon adquicion pa E Forsa Nobo su Team!”
