Pone container di likido chikito den un saco di plastic pronto lo pasa pa pasado pa pasaheronan di aerolinea na Reino Uni, despues cu gobierno a anuncia plan ayera pa introduci ekipo di screening 3D pa maleta carry-on den tur aeropuerto mayor.
Secretario di Transporte, Grant Shapps, a bisa den un declaracion cu e tecnologia nobo lo mehora siguridad, y tambe lo nifica ‘un fin na e necesidad di pasaheronan di uza saco di plastic of raciona locual nan mester hiba cu nan’.
Bou restriccionnan di siguridad actual, pasaheronan no ta permiti containernan hibando mas di 100mL di likido den nan maleta carry-on, y e containernan mester ta den un saco di plastic transparente.
Esey lo por caba bou di e regimen nobo di screening, y pasaheronan tambe lo por tene ekipo electronico, manera nan laptop, den nan maleta di cabina.
E screener ya caba ta wordo uza den test na aeropuerto di Heathrow na London, y nan lo wordo introduci progresivamente na otro aeropuertonan Britanico pa dia 1 di december 2022, segun gobierno a bisa.
CEO di Heathrow, John Holland Kaye, a bisa cu e tecnologia ‘lo transforma e experiencia di e pasahero, haciendo biahe aereo simpel y mas sigur a traves di e unico ‘hub airport’ di Reino Uni’.
