(CuraçaoChronicle) – Te ainda no ta completamente sigur cu Corsou lo por cuminsa e reapertura ‘paso pa paso’ cu Venezuela dia 3 di April y Aruba riba dia 1 di mei.
“Despues di mas di 4 aña cu e frontera cera, proceduranan a ser cambia y e informacion necesario lo mester ser intercambia entre Venezuela, Corsou y aruba pa asina por cumpli cu e fechanan cu ta desea,” segun representante di e ministerio Hulandes di Buitenlandse Zaken. E vocero di e ministerio a enfatisa cu te ainda tin contacto andando entre e paisnan concerni, e departamento y comunicacion cu Venezuela.
Despues di e consultanan tecnico cu Aruba, Corsou y Venezuela riba dia 31 di januari, cual a ser facilita pa e Ministerio di Buitenlandse Zaken, e gobiernonan di Willemstad y Oranjestad cada un a dicidi di sigui nan propio caminda. Corsou kier cuminsa dia 3 di april cu un fase di resumi trafico maritimo y aviacion. Aruba ta comprometi pa sigui completamente cu trafico maritimo dia 1 di mei sinembargo no cu aviacion ainda.
Aunke e politica fuera di e pais ta un topico di e Reino, aviacion y trafico maritimo ta podernan autonomo di tanto Corsou como Aruba.
