Den su resumen diario riba e desaroyonan di e pandemia di Covid-19 na Aruba, Departamento di Salubridad Publico DVG a indica cu ayera tabatin 258 caso activo di e malesa causa pa e virus SARS-CoV-2.
Ademas, DVG a informa cu ayera 25 persona a recupera, mientras cu a registra un total di 19 caso nobo di Covid-19, di cual dos no ta residente di Aruba. E cifranan aki ta representa un tasa di positividad entre nos residentenan di 8 porciento.
E cantidad di fayecido pa Covid-19 ta 160.
Datonan di DVG ta ilustra casonan nobo di Covid cu un averahe semanal di 24 caso pa dia y un averahe di tasa di positividad semanal di 12 porciento pa dia.
Na Aruba, actualmente tin 17 persona hospitalisa debi na Covid-19. Di esakinan, cinco persona ta den Unidad di Cuido Intensivo (ICU), mientras cu 12 ta riba piso general. Ademas, na Colombia tin actualmente 24 pashent di Aruba hospitalisa den ICU.
