Segun resumen diario di Departamento di Salubridad Publico DVG riba e desaroyonan di pandemia di Covid-19 na Aruba, actualmente ainda tin 18 pashent di Aruba hospitalisa den Unidad di Cuido Intensivo na Colombia.
Ademas, tin 18 otro persona hospitalisa pa Covid-19 na Aruba mes, di cual 5 di nan ta den Unidad di Cuido Intensivo (ICU) mientras cu 13 ta riba piso general.
DVG tambe a informa cu 19 persona a recupera di e malesa causa pa e virus SARS-CoV-2, mientras cu a registra un total di 11 caso nobo di Covid-19, di cual tres no ta residente. E cifranan aki ta representa un tasa di positividad entre nos residentenan di 12 porciento.
E cantidad di caso activo di Covid-19 ayera tabata 151. E cantidad di fayecido relaciona cu e malesa ta na 170, despues cu diadomingo a registra un fayecido mas.
Datonan di DVG ta ilustra casonan nobo di Covid cu un averhae semanal di 15 caso pa dia y un averahe di tasa di positividad semanal di 11 porciento pa dia.
