Den e caso di e tata di e prome baby di aña, Ministerio Publico ta evaluando hunto cu Voogdijraad kico ta mas prudente considerando e bienestar di e mucha y e baby. E ora lo tuma decision riba persiguimento di e tata.
E mayornan di e mama no a haci denuncia. Den e caso di mayor cu a tene relacion sexual cu un mucha di 15 aña, esaki ta castigabel pa ley
Vocero di Ministerio Publico Ann Angela a bisa: “E aspecto ontuchtig den e caso aki ta hinca den e diferencia grandi di edad entre e mucha y e tata di e baby, considerando cu e homber tin casi dobel di edad di e mucha.”
El a uza ehempel di un caso similar cu na december 2015 Corte (di Aruba) a condena un sospechoso pa un castigo di 15 luna di prizon, pasobra el a tene relacion sexual un (1) biaha cu un mucha di 15 aña, supuestamente boluntario. E persona aki ta sintando su castigo awor na KIA. Den e caso ey si e mayornan di e mucha a haci denuncia.
