WILLEMSTAD – Pareha di mesun sexo na Corsou ainda ta haya nan cu inhusticia grandi; nan no tin derecho riba pensioen di partner, compensacion di viuda, seguro hunto of reconocemento di yiu. Aunke ta manera e taboo ta birando menos grandi, asina Carrie Hahury y Geertje Hahury-Van der Meer cu tin diesun aña casa tambe ta bisa.
Dia Carrie y Geertje a bini Corsou nan kier a inscribi nan matrimonio na kranshi. “Tur hende cu nos a papia cu ne ey a reacciona masha positivo cu nos ta casa. Solamente no tabata posibel pa registra nos matrimonio. Pa motibo di esaki actualmente nos ta topa cu problema. Manera no por sigura bo partner automaticamente na SVB. Y si algo pasa un di nos, e otro no tin derecho riba nada”, Geertje ta conta.
‘E yiu tambe ta hopi perhudica- Maartje casa cu Laura kende ta na estado’
Maartje casa cu Laura tambe ta biba hunto na Corsou. Laura ta na estado y ta cerca di duna luz. “Esaki mayoria biaha ta e momento cu bo ta biba pe como mayor nobo, y cu bo ke gosa y dje, e delaster dianan”, Laura ta conta. Pero Maartje cu Laura no ta logra esaki. Nan ta pasando e ultimo lunanan cu abogado y procedura complica y ta haya hopi stress di esaki.
Pasobra despues cu Laura duna luz, Maartje no por reconoce e yiu, loke kiermen cu e no tin autoridad riba e yiu. “Na Corsou no ta posibel pa pareha gay reconoce e yiu si bo no ta e mayor biologico. Esey ta pone cu bo ta topa cu diferente cos. Pasobra si algo pasa Laura mi no tin niun derecho. Mi no ta autorisa tampoco pa tuma decision.” Esaki ta segun e fuente Retkaribense.
“E cos no ta klop tampoco pa e yiu: E tin derecho riba dos mayor cu derecho y deber. Kiermen e yiu tambe ta hopi perhudica”, segun Maartje.
Lei pa matrimonio di homosexual
Abogado David Wever ta empeña pa derecho igual pa pareha di mesun sexo. E ta bisa cu Corsou por scoge: habri e posibilidad di matrimonio homosexual of ofrece un alternativo igual. E delaster aki ta partner registra.
Wever ta forma parti di Igualdad Corsou e movemento aki kier bini e aña aki mes cu e proposicion pa lei pa e matrimonio di homosexual. E ta enfatisa tambe e importancia di reconocemento di e relacion di pareha di mesun sexo.
“Areglo di pensioen y seguro pa viuda aki mayoria parti ta pa pareha, y asina partner di mesun sexo no por aplica pa nan. Y kico bo ta pensa di derecho di bishita na hospital si un di e partnernan bira malo? Pasobra no tin un relacion di famia huridico, hospital por nenga e partner pa drenta.”
