Dia 8 di october ultimo a wordo trata e caso di Surséance van Betaling di trahadonan di La Linda na unda a wordo splica pa Sra. Omaira Britten representante di trahadonan di La Linda kico ta pasando cu e caso aki.

E dia ey, hues a dicidi si e caso aki ta bay riba bonus si ta bay bancarota of no pero e compania aki mester a compronde cu su director tin hopi propiedad pa bende y hopi cos cu por haci pa y no ta asina cu e tin cu pidi bancarota cu segun Britten a sigura den pasado tin un executeur na unda e ta mira cu nan a viola un ley di un testament na unda e executeur aki cu a pone a tuma den beslag tur cos di e director.

E situacion na e momento ey tabata cu nan tabata kier tuma e cas di e persona den beslag tambe pa loke Britten a puntra “pakico tin tanto discrepancia den nos hudicial” el a puntra pa hues Lejuez esun cu ta tratando e caso “con nan kier pa economia cay asina den tempo di crisis cu La Linda tin placa” pa motibo cu nan ta haya cu no mester ta den bancarota pa via cu e director di compania tambe ta un heredero.

Empleadonan di La Linda no ta contento pa motibo cu e placa pa e cual nan a traha pa varios aña ta bay pa bewindvoerder, Britten a menciona cu e sistema a faya na prome instante ora cu hues no a tuma un paso pa un testament, pa motibo cu testament tin cu bay di acuerdo cu loke e difunto a laga y nan no a bay cune for di prome instante, e fout aki a wordo haci ora cu hues a kita un executeur cu un mama a pidi pa e por handle tur cos y si no por wordo haci esey tin cu busca un mediador y sinta cu herederonan pa mira kico por wordo regla, Britten a splica.

“Ni un ora nan no a haci esey, nan a coy tur cos den beslag, con nan kier pa un negoshi sigui dilanti si boso tin tur cos den boso man”, el a comenta.

Ayera mainta, tabatin e caso cu hues mester a dicta e bancarota of e doorstaat di e Surséance van betaling, di esaki Britten a sigura cu e problema tabata ta cu nan a invita for di dia 6 di november tur e debedornan, esunnan cu compania La Linda ta debe placa pa nan y cu nan mester a presenta ayera pa duna e veredicto si nan ta bay di acuerdo cu bancarota of no ta bay di acuerdo cu esey.

Britten a expresa cu tur hende cu a wordo invita e mayoria di nan no a wordo presenta y e ora ey hues no por dicta un bancarota si e no tin e mayoritario presente pa bisa cu nan ta voor pa bancarota, e ora ey e hues lo dicta cu e ta bay di acuerdo cu den e caso aki e mester tuma un decision pero otro siman.

Britten a splica cu e punto di nan banda tabata ta cu nan ta den un crisis plan pa motibo cu nan por haya e placa fia for di un organisacion hudiu na Merca pero esey no a tuma luga pa motibo cu nan kiermen pa e placa bay na un tercer cuenta na banco y nan ta contra di esey, p’esey nan no a manda e placa manera cu tabata, cu loke a wordo declara cu nan tabatin un garantia di 300.000 dollar.

“Esey no a bay door y mi tin e pruebanan akinan pasobra nan no kier manda e placa pa nan bay den un derde rekening cu ta bay pa e bewindvoerder pasobra e mester maneha e placa y e ora ey nos por bay perhudica empleadonan y La Linda pa un Doorstaat si e placa ey no ta bay den man di negoshi”, Britten a bisa.

Awor cu ta existi un crisis plan, Britten a señala cu prome minister ta bisa cu nan no kier pa companianan bay den bancarota, “pero kico nos por haci si Aruba ta den un situacion malo y e director di La Linda no tabatin modo di bay bancarota pasobra cu e tin placa pa e por a sigui maneha e negoshi, pero si un hende ta pone bo placa den beslag y con bo por maneha La Linda si e placa no ta den su man”.

Britten cu ta representante di empleadonan cu casi tur di nan tin hopi aña trahando segun Britten nan edad no ta duna pa nan por haya un otro trabou pero aworaki gobierno mester mira esaki, cu si La Linda ta bay bancarota nan tin cu bay cas y nan tin cu busca onderstand pa motibo cu nan no a yega na edad di pension ainda, Britten a specifica cu nan tin edad di mas di 40 aña y pension ta pa hende di mas di 60.