Parlamento di Aruba a vota pa un ley di Ombudsman na Aruba . Ombudsman ta un Defensor di pueblo , pero den e mes un ley aki a trata e Defensor di mucha.
Tin e ley den ordo y tin e dos defensornan aki ta un ganancia pa pais Aruba. Loke ta remarcabel ta cu Hulanda tin un ombudsman na hulanda for di aña 2012 y pa loke ta trata e otro islanan den reino Korsou, Boneiro, Saba, St Eustatuis y St Maarten desde 10-10-10 nan tin un ombudsman y Aruba a keda atras pa hopi aña largo.

Aruba tabata den e proseso y for di 2015 tabatatin e prome intentonan cu a wordo haci den parlamento pa bin cu ley aki dilanti, pero den transcurso di anja otro parlamentario nan tambe a traha riba e ley di ombudsman pa Aruba. Sinembargo na 2016 a presenta un iniciativa y a logra yega na e comicion interno di ombudsman den parlamento mes pa asina e parlamentarionan aki haci uso di e forma aki pa crea e ley.

E comicion por a haci diferente viahenan y tabatatin diferente reunionnan cu personanan cu ta domina e area aki y na final a yega na e consepto cu Parlamento di Aruba a trata den parlamento. E reunion cu a tuma luga den parlamento ta un continuacion di un reunion cu a keda habri dia 20 di November 2019 . Dellanira maduro na e mes un momento a tuma e posicion di vice presidente di e comicion di ombudsman.

E logro aki ta hopi importante unda cu e Ombudsman ta duna e posibilidad na ecuidadano , nos hendenan den e pueblo aki e oportunidad cu nan mes por haci peticion na e instituto aki pa inicia investigacion na momento cu nan ta haya nan mes y of cu nan ta sinti cu un maneho of un trato cu ta wordo duna cu no ta husto.
E Ombudsman por haci investigacion dor di peticion pero riba su mes tambe na diferente departamento unda cu esaki ta bira un tools tambe pa parlamento unda cu parlamento tambe lo por haya informacion di loke e investigacion cu e ombudsman a haci y na unda cu parlamento lo por haci un yamada na e departamento conserni pa atende cu e situacion cu no ta canando bon y corigi esaki y of adapta locual cu a encontra.
Aruba tambe a traha dibiaha riba e kinderombudsman cu ta hopi importante mirando tur loke cu ta pasando riba abuso di mucha aki na Aruba. Cu e Kinderombudsman e hoben y e mucha tin un defensor specificamente pa nan.

E comunidad por pone un precion riba e instituto aki sin ningun costo mara na dje. Esaki ta duna un balans na nos cuidadano nan , na nan bienestar pa asina nan por vocifera nan derecho y asina por sigui promove y mantene e derecho di nos cuidadanonan.
Sinembargo ainda mester trece un cambio den nos ‘’Staatsregeling ‘’ dus den nos ley di constitucion. Mescos cu tin den e staatsregeling cu tin articulonan specificamente , porehempel locual ta raad van advies , algemenerekenkamer e Ombudsman tambe mester keda pone den e ley aki y na momento cu esaki ta cla ta e momento cu Aruba ta cla pa nombra oficialmente personanan cu ta bay ehecuta nan rol den e instituto aki di ombudsman.