Diamars merdia Bon Dia hunto cu otro medionan a bolbe purba di haya un reaccion for di minister president Mike Eman riba e detencion di Paul Croes, pero no a logra haya un declaracion.
Desde dialuna mainta cu e anuncio di Ministerio Publico riba e detencion di minister Paul Croes, ainda gobierno no a sali dilanti pa duna un declaracion riba esaki. Nos a bay cas di partido AVP na Playa y segun nos a compronde for di minister president – mey mey di preparacion pa sigui cu su programa di campaña diamars merdia – mañan mainta e lo ta dispuesto pa duna un declaracion. E ta bay haci esaki despues di un rueda di prensa riba e ‘groundbreaking’ proyecto nobo cu lo bini na lugar di Bushiri Hotel.
Pa lesa mas tocante e caso y locual Ministerio Publico a trece dilanti dialuna mainta durante nan rueda di prensa, primi AKI.
