ORANJESTAD – Pa presidente di sindicatonan di hospital (ABV), Gina Maduro, e negociacion di e contracto colectivo (CAO) ta tumando cu un CAO team. E ta haya cu e proceso ta canando, pero no tin un solucion ainda pa e CAO.
E aspecto financiero ta hunga un rol den e situacion aki. Principalmente awor cu hospital no tin un director financiero y tampoco hefe di e departamento financiero. Esaki ta pone cu a pesar cu aworaki tin un CAO team, e cifranan no ta actual. Ainda nan no por cera nan cuenta anual di 2018. E cuenta anual aki, sindicato ABV ta considera importante, ya cu a base di esey nan ta depende pa wak e cifranan y wak kico tin pa e parti di e CAO.
El a laga sa cu den e team aki, e director mes di hospital no ta forma parti di dje. E tin cu bisa cu ainda e comunicacion no ta bon entre sindicato ABV y e director di hospital. For di aña pasa cu ABV a denuncia intimidacion; y nan no tin contacto cu otro oficialmente.
