Ainda falta atencion riba e tema violencia domestico

Workshop Beauty for a cause

Hoben Danyela Vasquez studiante y project manager di e workshop ‘Beauty for a cause’ workshop 2017, ta conta Bon Dia Aruba con a bini cu iniciativa pa ehecuta e “Make Up” workshop na Universidad di Aruba. Cu e iniciativa a recauda fondo pa Fundacion di Hende Muher den Dificultad.

E workshop ta forma parti di e programa academico di sector Faculty of hospitality and tourism management FHTMS. Pa clausura e programa“meeting and Events”mester a imagina, plania y ehecuta un evento. Basa riba e trabou cu wordo hasi, ta haya un cifra cu lo determina e clausura di e aña academico.

E grupo di studiante consistiendo di 8 hoben a bin cu e idea pa organisa un “Make up” workshop. Unda comunidad di Aruba por participa. E idea tabata pa no solamente haci un workshop pero tambe combina e workshop cu un “Fund Rasing Event”pa asina recauda fondo pa Fundacion di hende Muhe den Dificultad. A scoge pa e Fundacion pasobra no ta sinti cu e Fundacion ta haya suficiente apoyo y “Awerness” den comunidad. E studiante nan ta mira cu awor ta e momento pa pone atencion riba e Fundacion, cu ta trahando constantemente pa comunidad di Aruba.

Segunn Danyela Vasquez, como studiante di sector Turismo. E topico violencia domestico no ta wordo treci pa dilanti den su Estudio. E studiante ta haya falta di mas informacion tocante e topico aki. E hoben ta bisa cu ta importante pa tur studiante haci investigacion prome y despues trece e informacion na e Fundacion.

Cifranan alarmente
Sra. Maduro coordinador di fundacion ta gradici e studiantenan pa e apoyo y sosten. E studiantenan a acerca e fundacion y conta nan idea pa cu e iniciativa “beauty for a cause”. Dia 8 di april a ehecuta e proyecto y a destina e fondo cu a wordo recauda pa Fundacion di Hende muher den dificultad. Segun Sra. Maduro e fundacion ta haya mas atencion cu actividadnan pa comunidad. Mirando cu awor na 2017 ainda tin problematico cu abuso y violencia contra hende Muhe. Ta ripara cu e tema aki ta bin mas y mas dilanti. Sra. Maduro ta clausura bisando cu mundialmente 25 porciento di hende muhe ta haya nan mes den un manera of otro cu violencia domestico. Den Caribe y Latin America e porcentage ta casi 50/50 cu 45 porciento. E cifranan aki ta alarmante y cu programa nan manera “beauty for a cause” cu studiantenan di scol ta inicia ta yuda aporta na e conscientisacion riba e tema Violencia contra hende Muhe.