ORANJESTAD – Mirando e situacion di tension durante e ultimo dianan rond di e crisis di Venezuela -aunke ayera el a bira mas calmo- mientras cu e presidente designa, Juan Guaidó, a participa den un reunion di e Grupo di Lima cu presencia di e vice-presidente di Merca, Mike Pence.
Na Aruba, minister presidente Evelyn Wever-Croes a bisa cu nos ta na ‘spera y alerta’ pa mira kico ta locual ta bay sosode; y con e situacion ta cambia pa nos aki na Aruba. Reino Hulandes tabata parti di un accion humanitario for di Corsou, pero esaki no a wordo concretisa ainda, ya cu e boto no por a sali pa motibo di siguridad.
Fluho di pasaheronan
Tanten e frontera ta sigui cera, y aunke den principio no tin vuelo cu por sali ya sea for di Venezuela y tampoco di Aruba, pero gobierno di Aruba a logra un excepcion. El a pidi tur hende pega na Venezuela pa acudi na e aerolinea pa bin cu areglo con nan trece nan bek.
Diadomingo e prome vuelo a cuminsa y ayera tambe, pero e prome mandatario a indica cu e estado di excepcion aki no lo ta prolonga pa hopi dia. “Nos no tin un palabracion haci di cuanto dia,” el a bisa.
Diadomingo tabatin apenas tres persona so den un di e vuelonan di Conviasa, mientras na Aruba tabatin 81 persona pa bay Venezuela bek abordo di e vuelo ey.
Un apelacion ta bay pa esunnan cu ta pega, pa bay na aerolinea y registra na embahada di Reino Hulandes na Caracas, pa sigura cu nan por bolbe Aruba bek.
Deportacion
Tambe e ta conta pa pasahero Venezolano. Minister di husticia, Andin Bikker a laga sa cu e proceso di deportacion di personanan indocumenta di e nacionalidad ey lo sigui tambe.
Si el a compronde e palabracion bon, esunnan di nacionalidad Venezolano –independientemente di nan status– por drenta. Un grupo grandi cu tabata trahado ilegal, hues comisario a haya motibo pa deporta nan. E mandatario no por a duna un cifra exacto, pero e centronan di retencion a yega na e capacidad maximo. E vuelonan cu ta sigui di Aruba pa Venezuela nan ta bin na remarca pa wordo deporta.
