Te ainda e relacion entre AHATA y ministerio di Turismo no a wordo drecha; a pesar cu e mandatario Otmar Oduber a manda cartanan pa nan manda nan candidatonan pa e hunta di supervision di Oficina di Turismo Aruba (ATA)
AHATA cu ta representa e sector hotelero no a manda su candidatonan ainda pa forma parti di e hunta di supervision di ATA, cu nan a retira despues di e impasse causa pa e tratamento di e “Ley All Inclusive” cu a keda aproba den Parlamento. A pesar di e situacion aki, e presupuesto di ATA pa 2017 a keda aproba, minister Oduber ta bisa Bon Dia Aruba.
“Esey ta den full ehecucion. Tin un board di ATA cu den su mayoria ta presente.” El a indica cu den e hunta aki tin cinco miembro actualmente.
Siman pasa el a manda otro carta pa AHATA y e ta spera cu denter di poco e hunta di ATA lo por tin e otro dos miembro di AHATA cu mester t’ey pa ley. “AHATA ta keda cu e responsabilidad di nomina e nombernan pa mi persona por scoge.”
