AI desaroya na Hulanda ta miho den diagnostica derame compara cu dokter

(NLTimes) – Investigadornan Hulandes a desaroya un programa di inteligencia artificial cu por diagnostica un derame dentro di secondenan. Segun Merel Boers y su coleganan na nicolab, e asina yama StrokeViewer por significantemente aumenta un pashent su chens di sobrevivi pa medio di duna nan un diagnosis corecto y di e manera aki, nan por ricibi tratamento hopi mas lihe, Volkskrant a reporta.

Mas o menos un di 5 parti di persona lo haya un derame den su bida. Den e miho caso, esaki lo pasa cerca di un centro specialisa cu por inmediatamente cuminsa cu e tratamento corecto pa limita e daño. Esaki rarabes ta e caso en practica. Pashentnan hopi biaha ta caba na hospitalnan chikito meymey anochi, unda e docter mester prome lanta pa e por revisa un CT scan. Y hopi biaha, e pashent mester despues bay un hospital grandi pa asina por haya tratamento.

Boers a cuminsa traha riba StrokeViewer den aña 2015 despues cu como un investigador na AMC Hospital den Amsterdam el a mira demasiado pashent cu a haya derame fayece a causa di tratamento cu a cuminsa demasiado laat. StrokeViewer automaticamente ta manda un pashent su scan na loke ta yama ‘cloud’, unda e AI por detecta un posibel derame. E dokternan eora ta ricibi un notificacion riba nan celular dentro di seconde pa asina nan por comparti e imagennan cu nan coleganan of otro hospitalnan mesun lihe.

Nicolab su desafio mas grandi ta convence hospitalnan pa inverti den e sistema. Na Hulanda, mas o menos 60 hospital ta haci uso di StrokeViewer.

Ritse Mann, un radiologo na Radboudumc, a usa un sistema pa un tempo. “Tur pashent cu derame den e region di Nijmegen a ta bini cerca nos, e ta valioso cu hospitalnan alrededor por bati alarma rapidamente y nos por monitor inmediatamente. Sinembargo durante e test, e practica tabata menos den ordo. E hospitalnan alrededor no tabatin e sistema, nificando cu nan no tabata usa esaki corectamente. E balor ta si tur hende haci uso di dje. Esaki ya caba ta pasando den e region di Amsterdam.”

Mann ta kere cu e AI ta mio den detecta un derame cu su persona. “Mi ta un radiologo intervencional. Neuroradiologonan ta miho den esaki. Pero ora mi ta den turno, ami ta e persona cu ta revisa un scan of un asistent,” el a splica Volskrant. StrokeViewer ta specialmente valioso den haya derame chikito cu no ta localisa central. “Si nos mira rapidamente unda e cuahulo di sanger ta den un pashent na un hospital alrededor, nos por evalua di miho manera cu e persona mester bin cerca nos of nan mester keda unda nan ta y ricibi tratamento lo mas pronto posibel. Den e caso aki, un sistema cu ta permiti bo mira tur cos conhuntamente cu nan ta hopi util.”

Boers ta convenci cu e tecnologia nobo, incluyendo AI, ta indispensabel den alivia e presion cu ta aumentando riba cuido di salud. “E poblacion ta birando mas grandi, nos ta ricibiendo cada biaha mas pashent, mas intervencion, y ya caba nos tin escasez di empleado,” Boers a splica e corant. “Bo por resolve e problemanan aki cu innovacion. Esaki ta reduci e trabao y ta spaar sociedad gastonan. Pero mas importante, pa medio di acelera cuido crucial, bo por duna un persona e chens di sobrevivi.”

Un red di 54 hospital den Spaña recientemente a uni na StrokeView. “Na Australia, tambe nos ta traha den regionnan di hospital grandi. E distancianan aki ta hopi mas grandi aki, cual ta haci cu ta hopi mas importante cu nan por traha digitalmente y rapidamente,” Boers a expresa.