ORANJESTAD – Sindicato STA y su delegadonan a reuni cu bureau di minister Andin Bikker diabierna ultimo, pa discuti algun aspecto cu falta pa cu e formacion di e departamento cu lo bay carga e nomber di ‘Migracion Aruba’.
Segun presidente di STA, Diego de Cuba, e reunion a bay den bon ambiente. STA ta comparti e mesun pensamento di minister, esta cu pais Aruba y e bienestar y proteccion di e empleadonan mester ta na prome luga. Tambe nan futuro mester ta sigura den e formacion nobo.
Despues cu mayoria di e empleadonan di Guarda Nos Costa a vota pa bay resorta bou di e departamento aki, ahustacion mester a wordo haci pa locual ta e ‘organogram’ cu lo mester refleha e structura berdadero di e cuerpo nobo aki. Tambe nan a delibera un poco ariba e ‘bezoldigingsregeling’ y tambe pa mantene e herarkia, pa asina tur hende por biba y cana nan caminda, sin perhudica ningun hende.
STA ta contento cu tur e logronan te cu awor y ta gradici tur esunnan cu di un manera of otro ta sosteniendo e lucha pa cu e formacion principalmente e empleadonan. STA ta gradici tambe e minister concerni pa su transparencia y su pasenshi den tur e desaroyo aki, y ta convenci cu ora e formacion ta cla, e lo ta uno stabiel y cu mira pa futuro
