Industria di turismo por medio di CEO di AHATA Jim Hepple, a informa cu ta trahando cu prensa internacional y e mercado internacional di biahe pa loke ta Zika. E cos importante ta cu tur hende a compronde cu mester tin un mensahe consistente. E mensahe cu Aruba ta manda pa turistanan mester ta reactivo, cu ta responde na preguntanan. Ta tene conexion cu e hotelnan pa loke ta e tipo di preguntanan cu nan ta haya for di nan huespednan pa e topico aki. Tambe tin cu informa e mensahe cu e huespednan mester tene precaucion y yuda nan den cualkier manera di informa nan cu nan tin cu uza repelente y e tipo di pañanan cu nan tin cu bisti.
E mensahe di e instancianan ta consistente riba e importancia di e control general di sangura cu Aruba ta hiba. Esaki ta conta pa tur e hotelnan, timeshare y tur tipo di accomodacionan cu ta wordo brinda na nos bishitantenan, pero tambe loke e comunidad por haci pa percura eliminacion di sangura. Na un manera consistente ta mantene miembronan bon informa di inforamacionan encuanto e Zika Virus.
Actualmente tin posternan poni na nos aeropuerto como tambe na waf di cruceronan, informando nos bishitantenan pa ta alerta riba simptomanan manera keintura di ripiente, rash, dolor di cabez, dolor di weso, dolor di wowo, of tosamento. Si nan sinti esaki, pa nan tuma contacto cu e dokter di hotel of un persona cu por yuda riba tereno medico di biaha.
