ORANJESTAD – CEO di Ahata, Tisa LaSorte, a anuncia cu maart tabata un luna positivo pa Aruba su turismo. Aruba su High Season a experiencia un otro luna cu bon ocupacion y a logra bon balor averahe di camber, aunke un tiki menos cu den luna di februari.
Den luna di maart 2019 Aruba a experiencia un porcentahe averahe di ocupacion di 89.5% cu ta mas abou cu ocupacion di februari, pero mas halto cu maart 2018. E balor averahe di cada camber (ADR) tambe ta menos cu februari pero 3.9% mas halto cu un aña pasa, yegando $336.22. E RevPAR, cu ta e entrada averahe pa tur camber disponibel, na maart 2019 tabata $302.09 y esaki ta un aumento di6.6% compara cu un aña pasa y 8.5% reduccion di februari.
Demanda pa Aruba a sigui halto durante e prome lunanan di 2019, mientras cu hopi hotel den region Caribe ainda ta cera despues di horcannan di september 2017. Tisa LaSorte ta subraya cu hopi di e hotelnan den region ta habriendo bek cu cambernan renoba y cu mercadeo agresivo, introduciendo competencia nobo den region pa Aruba.
E cifranan di AHATA ta basa riba 17 hotel cu ta miembro:Amsterdam Manor Beach Resort, Barceló Aruba, BoardwalkHotel, Brickell Bay Beach Club, Bucuti & Tara Beach Resort, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt RegencyAruba,Manchebo Beach Resort,Marriott Aruba &Stellaris Casino, The MillResort, Renaissance ArubaResort,The Ritz-Carlton,RIU Palace, RIU Antillas y Talk of theTown Hotel.
