Aruba Hotel and Tourism Association (Ahata) a publica un pronostico di ocupacion di hotel pa e promer lunanan di 2021 y pa 2021 den su totalidad. Esaki despues cu dia 11 di januari 2021 a publica un pronostico pa e promer lunanan di 2021 y p e aña en total, cu awor a haya un adaptacion.
Pa januari y februari 2021 ta maneha un pronostico di 25% di ocupacion, mientras e grado di recuperacion en comparacion cu 2019 ta di 30%. Pa promer trimester di 2021 en total ta spera un ocupacion di 27%, mientras cu e pronostico pa e periodo aki lo ta 32%.
Por observa cu e ocupacion, despues di un december unda e ocupacion tabata 34.9% (un reduccion di 58% compara cu december 2019, manera por a anticipa den e promer lunanan di aña ta cay na un nivel mas abao, cu ademas awor a haya un ahuste descendiente.
E anuncio nobo aki ta un coreccion riba un pronostico publica dia 11 di januari ultimo, unda ainda tabata pronostica un ocupacion di 30% pa januari, mientras cu pa februari esaki lo tabata 32%, y e promer trimester di 2021 lo a mustra un ocupacion promedio di 33%. Pa 2021 e averahe lo tabata 42%.
Pa 2021 den su totalidad lo tin cambio; contrario na e pronostico di october 2020, unda tabata tuma como punto di salida un ocupacion di 45%, awor ta pronostica solamente 39%, cu un grado di recuperacion di 46% di loke tabata 2019. Den e relato di prensa di 11 januari 2021,
Ahata a declara cu e averahe di ocupacion na 2020 tabata 26.9%, un reduccion di 68% di e ocupacion registra na 2021.
Pronostico october 2020:
Pronostico 11 januari 2021:
Pronostico 26 januari 2021: 
