Recientemente Aruba Hotel & Tourism Association a traha un documento pa guia hotelnan na Aruba den preparacion pa reapertura despues di COVID-19 lockdown. Despues di investiga y acumula recomendacion di CDC, WHO, Departamento di Salubridad y instancia hotelero internacional, AHATA a crea un guia pa norma nobo pa diferente area den hotel.
E guia ta recomenda rekisito pa distancia fisico, presencia di empleado, intercambio cu huesped, y pa limpiesa y desinfeccion di e facilidadnan. E normanan nobo ta pa implementacion den tur departamento, incluyendo restaurant y casino.
E guia di AHATA ta yuda Aruba brinda siguransa na nos bishitantenan den futuro cu nos hospitalidad ta inclui higiena y proteccion di salud.
