Decena di polis a wordo retira di Cuerpo Policial den e ultimo simannan despues di un investigacion tocante corupcion y violacion di secresia oficial, den medio di advertencia cu e revelacionnan ta representa e punto di e ijsberg.

Un rapport cu a ser obteni pa e corant Algemeen Dagblad ta bisa cu e divisionnan di polis di e pais ta infiltra pa crimen organisa, cu 19 oficial na e centro di Hulanda cu un base na Utrecht cu tin vinculonan criminal. Siman pasa, e corant a revela cu e gang lidera pa Ridouan Taghi, kende ta enfrentando un huicio pa traficacion di droga y cu a organisa varios asesinatonan den mundo baho, tabatin conexionnan cu un di e oficialnan di rango halto na Utrecht.

E oficialnan a ser nombra den e testimonio di un testigo cu tabata bisto pa AD y desde e momento ey el a wordo retira despues di un investigacion. Na Limburg un oficial superior a ser suspendi pa comportacion potencialmente poco profesional y tres miembro di e ekipo a ser retira di servicio, despues di un investigacion di otro cuater miembronan di personal di polis cu a wordo suspendi na april. Un miembro di 55 aña di edad di e division di polis di Amsterdam a ser suspendi y a wordo retira siman pasa pa sospecho di corupcion den oficina, e tabata manipulando computernan y violando secresia oficial.

Esaki ta e di shete biaha den e ultimo dos lunanan cu un miembro di personal di polis na Amsterdam ta wordo suspendi pa profesionalmente comporta malo, den e incidentenan anterior, e empleadonan a wordo sanciona pa stalking, fraude, negligencia pa cumpli di nan deber y mal uzo di informacion di e computernan di polis. Jan Struijs presidente di sindicato di polis NPS, ta bisa cu e forsa mester ser mas resistente na influencianan criminal.

“Nos oficialnan ta wordo acerca pa criminalnan,” el a bisa. Esaki ta sosode den tur nivelnan. “E oficialnan mester ta capacita pa lidia cu esaki di un manera bon y responsabel”. Discriminacion di polisnan tambe a ser critica pa faya di atende un cultura di discriminacion y intimidacion despues cu Carel Boers a sali, kende a ser contrata pa duna conseho na e cuerpo tocante diversidad politico. Boers a bisa cu e tabata testigo di oficialnan cu tabata uza lenguahe despectivo contra ciudadanonan, incluyendo insultonan discriminatorio, y cu tabata abiertamente despreciativo cu respet na coleganan cu minoria etnica.

Ta normal pa den Cuerpo Policial hendenan bisa: “Bosonan ta Marocano y nunca mi lo confia den boso”. El a skirbi den un carta pa Minister di Husticia Ferd Grapperhaus. El a acusa e hefe di Cuerpo Policial, Erik Akerboom di nenga pa reconoce of pa trata e problema. “E liderazgo di Erik Akerboom ta consisti di evita sistematicamente cualkier tipo di conflicto. Es mas importante pa e no comete erornan, pero pa haci lo corecto”.