Segun informe di Ministerio Publico, un agente policial a wordo deteni ayera 15 di November riba sospecha di secuestro y violacion. Pa motibo cu e investigacion ta andando, no por divulga mas detaye sin cu causa daño na e investigacion. Akinan por lesa e relato di prensa completo di Miniserio Publico:
Bao guia di Ministerio Publico a cuminsa riba diabierna 11 di november 2016 un investigacion relaciona cu melding di un hechocastigable. E resultadonan di e investigacion aki a hiba pa un ordo di detencion di un agente policial di Cuerpo Policial di Aruba riba 15 di november 2016.
E persona aki ta wordo sospecha di a haci su mes culpable di secuestro(wederrechtelijke vrijheidsberoving)y violacion(verkrachting). E persona aki lo wordo poni in verzekering awe y hiba dilanti Huez-Comisario diabierna awor. E investigacion ta andando keto bay, door di cual no por saca mas detaye sin haci daño na e investigacion. Asina cu e investigacion permiti, lo saca mas informacion tocante e resultadonan.
